لا تنغش بزيت السمك! كيف تختار أوميغا 3 بذكاء

الأوميغا 3 من أهم المكملات الداعمة لصحة القلب، الدماغ، والالتهابات، لكن كثير من الشركات تسوّق منتجات زيت السمك بشكل مضلل. عشان كذا لازم تختار المنتج بذكاء وما تضيّع فلوسك.

النقطة الأساسية لفهم كيفية اختيار النوع الجيد :

الأوميغا 3 يتكون من 3 أحماض دهنية:

EPA  

DHA

ALA (من مصادر نباتية مثل المكسرات والزيوت، وما يجي من زيت السمك)

المفيد فعليًا من مكملات زيت السمك هو EPA + DHA، وهذي اللي لها التأثير الصحي الأكبر.

وين الغش يصير؟

بعض الشركات تكتب لك “زيت سمك 2000mg” لكن لما تطالع تحت، تلاقي EPA + DHA مع بعض فقط 640mg، يعني أنت ما أخذت الكمية اللي تحتاجها، والباقي مجرد دهون مالها نفس الفعالية.

كذا تدفع على 2000mg بس جسمك يستفيد من أقل من الثلث!

كيف تختار المنتج الصح؟

1.شوف جدول Supplement Facts (المكونات الغذائية).

2.ركز على كمية EPA + DHA مع بعض، مو على كمية “زيت السمك الكلية”.

3.القاعدة الذهبية: لازم يكون EPA + DHA ≥ 70% من محتوى زيت السمك.

مثال: إذا الكبسولة فيها 1000mg زيت سمك → لازم على الأقل 700mg منها EPA + DHA.

4. الأفضل تختار مكمل مصدره من أسماك السالمون أو الماكريل، مو التونة أو أسماك رخيصة الجودة.

مثال عملي :-

نوع ضعيف: مكتوب 2200mg زيت سمك → لكن EPA + DHA مع بعض 640mg فقط (يعني أقل من 30%).

نوع ممتاز: مكتوب 1250mg زيت سمك → و EPA + DHA مع بعض 1000mg (يعني أكثر من 70%).

الخلاصة :-

إذا بتشتري أوميغا 3:

لا تنغش بحجم الكبسولة أو كلمة “2000mg”.

شوف دايم EPA + DHA كم يساوي.

اختصر الطريق وخذ منتج يحقق قاعدة 70% أو أكثر من زيت السمك عبارة عن EPA + DHA